منتدى الشباب السوري الالكتروني

مجتمع / فنون / شعر / رياضة / أبراج / تعارف وصداقة / دردشة / برمجيات / المرأة / أزياء / الشباب / ...
 
الرئيسيةالبوابةاليوميةس .و .جالتسجيلدخول

شاطر | 
 

 بنت عم تقدم نصائح لصديقتها بمرحلة الخطوبة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عمار
مؤسس و مدير المنتدى
مؤسس و مدير المنتدى
avatar

ذكر العذراء الخنزير
عدد المساهمات : 737
نقاط : 26152
السٌّمعَة : 8
تاريخ التسجيل : 21/01/2010
العمر : 34
الموقع : Syria / Lattakia
المزاج : فاضيلكم

مُساهمةموضوع: بنت عم تقدم نصائح لصديقتها بمرحلة الخطوبة   الثلاثاء فبراير 02, 2010 11:03 pm






صديقتي العزيزة...



لو ربنا فك عقدتك وانخطبتي.. فإليك نصائحي حتى تأخذي بخطيبك من مركب الخطوبة إلِى مثوااااه الأخير في قفص الزوجية السعيد..




أجمل ما في الخطوبة العزايم الرومانسية على أحلى محلات أكل في البلد واللي عمرك ماراح تشوفيها بعد الزواج.. المهم نصائحي لك عند أي عزيمة مع خطيبك


1. الأول لازم تعرفي إن الشوكة والسكينة بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًااا





2. الخبز .. أوعي تفضحينا وتقطعيه بسنانك ولا الرغيف نصين بأيدك وكل نص لقمة وعلى دحش أوعي.. الخبز بيتقطع بالسكينة بالصحن.. وبعدين بتاخدي لقمة.. لقمة.. بالزور قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِشّي متل ما بدك....


3. الشوووربة أبوس كعب رجلك.. بند الشوربة مهم جدًاااا.. الشوربة بتنشرب من غير صوت أبداً.. ومن غير ماتقعدي تنفخي فيها.. متل صبي النارة تبع الأركيلة اللي بينفخ في الفحم للزبون.. وطبعًاااااا بدي ياكي تنسى تمامًا الطاسة اللي بتحطيها على تمك في البيت وتشرشري على حالك..

بالمعلقه وبدون صوت.. سخنة .. نار .... كمان بدون صوت.. وبتتركي تلت الطبق ع الأقل.. مو تميليه.. منشان تلهطيها لآخر نقطة.....




4. الرز طبعاً بيتاكل بالشوكة أوعي إيدك تنمد ع المعلقة.. وتغرفي من طبق الرز وتعبي... إوعي.. الرز بالشوكة.. وكأنك بتبوسيه .. مو بتاكليه..





5. المعكرونة.. الاسباكتي كمان بالشوكة.. بتنلف على طرف الشوكة.. لحد ما تخلص وبعدين تحطيها ف تمك عالسكت.. مو تشفطي المعكرونة عود عود..





6. السمك مشكلة.. شوفي.. بتفصلي اللحم عن الشوك. شلوووون..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ما تقلبي السمكة.. بلا فضايح.. شيلي السلسلة بالشوكة والسكينة وحطيها جنب الصحن وكملي أكل النص التاني.. وبدال الفيلم الهندي هاد.. نصيحة.. ما تاكلي السمك أبداً.. قولي مابحب السمك ونفدي حالك..





7. البطاطا سواء مسلوقة أو مقلية أوعي تهرسيها وترميها ع الرز ويللا..... لا..لآ...لآ...بالشوكة قطعة قطعة وإنت متل ما تكوني راح تبكي من كتر ما البطاطا صعبانة عليكي..





8. الفاكهة.. لو الفاكهة فيها بذر طلعيه من تمك على مهل وحطيه ف إيدك وهي مسكرة وبعدين في طفاية السجاير اللي على الطاولة.. أوعي ياحبيبتي من نظام التفتفة للبذر.. إنسي....





9. ولما تخلصي أكل .. بتحطي إيدك على بطنك -اللي عصافيرها عمتزقزق من العيّنات والنماذج اللي أكلتيها-.. وتقولي له مو معقول.. أنا عمري ما انفجعت هيك.. أنا قدامي أسبوع.. ما راح آكل فيه.....





وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها.. قال يعني بتمسحي تمك..




وبعدين تستأذني منه لدخول الحمام لإصلاح ماكياجك وبتدخلي الحمام وبتطالعي من الشنطة تبعيتك.. صندويشة الفلافل اللي جايبتيها معك وبالهنا والشفااااااااااااا --





لا تبهدلينا الله يخلليكي


















هههههههههههههههههههههههههههه

__________________________________________
سلامي على اللي حاضر معانا ... سلامي على اللي خالي مكانه
سلامي انشالله يوصل سلامي ... أسامي .. ما أريد أذكر أسامي
الرجوع الى أعلى الصفحة اذهب الى الأسفل
http://ammarjdeed.ba7r.org
جورجي
مشرف
مشرف
avatar

انثى الميزان النمر
عدد المساهمات : 374
نقاط : 4325
السٌّمعَة : 3
تاريخ التسجيل : 23/01/2010
العمر : 31
الموقع : سأكون نجمه على الارض هنا
المزاج : وسط

مُساهمةموضوع: رد: بنت عم تقدم نصائح لصديقتها بمرحلة الخطوبة   الخميس فبراير 04, 2010 1:25 am

ههههههههههههه هي فعلا معلومات ونصائح قيمة بس ماعتقد مافي بنت تحتاج لهيك نصائح
الرجوع الى أعلى الصفحة اذهب الى الأسفل
عمار
مؤسس و مدير المنتدى
مؤسس و مدير المنتدى
avatar

ذكر العذراء الخنزير
عدد المساهمات : 737
نقاط : 26152
السٌّمعَة : 8
تاريخ التسجيل : 21/01/2010
العمر : 34
الموقع : Syria / Lattakia
المزاج : فاضيلكم

مُساهمةموضوع: رد: بنت عم تقدم نصائح لصديقتها بمرحلة الخطوبة   الخميس فبراير 04, 2010 6:53 pm

كل البنات بحاجة هالنصائح يا جورجي

ههههههههههههههه

__________________________________________
سلامي على اللي حاضر معانا ... سلامي على اللي خالي مكانه
سلامي انشالله يوصل سلامي ... أسامي .. ما أريد أذكر أسامي
الرجوع الى أعلى الصفحة اذهب الى الأسفل
http://ammarjdeed.ba7r.org
 
بنت عم تقدم نصائح لصديقتها بمرحلة الخطوبة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشباب السوري الالكتروني :: الأدب والشعر :: القصص والروايات-
انتقل الى: